Friday, January 13

എന്റെ ഹൃദയം

എന്റെ ഹൃദയത്തിൽ
നിന്റെ വാക്കുകളോ...
പ്രവൃത്തിയോ
ഇതുവരെ
എത്തിചേരാത്തത്‌
കൊണ്ടായിരികും
എന്നിലേക്ക്‌ ആഴ്‌ന്നിറങ്ങിയ
നിന്റെ നഖങ്ങൾക്ക്‌
എന്റെ ഹൃദയം
കണ്ടെത്തുവാനാവാഞ്ഞത്‌
      

Saturday, June 11

കൂട്ടുകാരെ പ്രിയ കൂട്ടുകാരെ
കൂട്ടം ചേർന്നൊന്നു കൂടി നിൽക്കു
കുന്നോള്ളം സ്നേഹവും കൂട്ടിവെച്ചതിൽ
കുറുമ്പിൻ കുഞ്ഞികൂടുകളും ചാർത്തി വെയ്ക്കാം

കോലം തുള്ളും കാറ്റിനു കൂട്ടായ്‌
കോലം കെട്ടി നടക്കാം

കൊമ്പു വിളി ഉയരും കാവിൽ
പ്രണയം തേടി നടക്കാം

ഈ കാലം നടന്നങ്ങു പോവാതിരിക്കാൻ
കയറു കെട്ടി പിടിക്കാം

കൂട്ടുകാരെ പ്രിയ കൂട്ടുകാരെ
കൂട്ടം ചേർന്നൊന്നു കൂടി നിൽക്കു .(2)

മഞ്ഞപൂക്കളും മന്ദാരവും
മറുകര കാണാത്ത പ്രണയവും
മാറാതിരിക്കാം എന്നും മാറാതിരിക്കാം

ഈ കാലം നടന്നങ്ങു പോവാതിരിക്കാൻ
കയറു കെട്ടി പിടിക്കാം

കൂട്ടുകാരെ പ്രിയ കൂട്ടുകാരെ
കൂട്ടം ചേർന്നൊന്നു കൂടി നിൽക്കു..(2)